Përfaqësuesit e forcave pro-ruse në lindje të Ukrainës njoftuan sot se kanë përfunduar tërheqjen e armëve të rënda në përputhje me marrëveshjen në Minsk muajin e kaluar.
“Sot është dita e fundit e tërheqjes së armëve” tha një nga liderët e forcave pro-ruse Eduard Basurin për gazetarët në Snizhnje, ku raketat 120 mm janë tërhequr nga vija e frontit, raporton AFP.
“Ne jemi duke i tërhequr plotësisht armët e rënda nga vija e demarkacionit” tha udhëheqësi i republikës popullore së vetëshpallur Donetsk Alexander Zakharchenko, për agjencinë e lajmeve Dan.
“Ukraina këtë gjë nuk e ka bërë ende” tha Zakharchenko, duke akuzuar forcat qeveritare që nuk e kanë plotësuar obligimin e tyre për të eliminuar armët.
Agjencia franceze vuri në dukje se gjashtë vëzhguesit ndërkombëtarë ishin të pranishëm në vendin e ngjarjes.
Organizata për Siguri dhe Bashkëpunim në Evropë (OSBE) ka thënë se është duke parë me shum optimizëm tërheqjen e armëve të rënda nga Ukraina lindore, kurse zëvendës kreu i misionit vëzhgues Aleksander Hug tha se situata e tanishme është “sinjal premtues”.
Anëtarët e Grupit të Kontaktit trepalësh për zgjidhjen e krizës në Ukrainë më 12 shkurt nënshkruan një paketë për zbatimin e marrëveshjeve së mëparshme në Minsk.
Sipas pikës së parë të vendosur në këtë dokument, kërkohet armëpushim urgjent dhe gjithëpërfshirës, i cila hyri në fuqi në mesnatë të 15 shkurtit në Kiev.
Pika e dytë parashikon tërheqjen e armëve të rënda në të dy anët e lokacionit nga vija e ndarjes, për të krijuar një zonë të sigurisë./arbresh.info/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...