Flet Angela Merkel pasi u pa duke u dridhur për herë të tretë

15:34 | 10 Korrik 2019
Arbresh Info

Kancelarja gjermane është parë duke u dridhur pa kontroll përsëri derisa ishte së bashku me kryeministrin finlandez në një takim bilateral.

Angela Merkel ka insistuar se është me shëndet të mirë pasi që përjetoi dridhjen e tretë brenda disa javëve.

Kësaj radhe Merkel ishte parë duke u dridhur më pak se dy herat e kaluara, dhe dridhja ndaloi kur Merkel lëvizi.

“Jam mirë dhe nuk duhet të shqetësoheni” ka thënë kacelarja gjermane në konferencën për shtyp pas takimit.

Dridhjet e pakontrolluara të saj kanë bërë që të lindin spekulime rreth shëndetit të saj. Herat e kaluara që u pa duke u dridhur Merkel i la fajin dehidrimit.

24 orë pasi që u pa duke u dridhur për herë të dytë ajo udhëtoi për në Japoni ku mbahej Samiti i G20’ës. Atje ajo ishte kujdesur që të mos binte shumë në sy të gazetarëve dhe u kishte ikur takimeve në publik me liderë të shteteve më të mëdha botërore.

Shpërndaje në rrjete sociale

Lajmet më të lexuara

Të ngjashme

Foto lajm