Finlanda refuzon t’i marrë seriozisht shqetësimet tona të sigurisë, thotë zyrtari turk

09:40 | 31 Maj 2022
Trina Galanxhi

Finlanda duhet të ndalojë “mbrojtjen” e asaj që Turqia e konsideron një organizatë terroriste dhe t’i marrë seriozisht shqetësimet e sigurisë së Turqisë nëse dëshiron që Turqia ta pranojë atë në NATO, tha zëdhënësi i presidentit turk, Recep Tayyip Erdogan, në një intervistë për një gazetë finlandeze.

“Problemi nuk është se Finlanda nuk e kupton Turqinë. Finlanda refuzon t’i marrë seriozisht shqetësimet e sigurisë së Turqisë”, tha Fahrettin Altun për të përditshmen më të madhe finlandeze Helsingin Sanomat, transmeton portal arbresh.info

Turqia ka kundërshtuar anëtarësimin e Finlandës dhe Suedisë në NATO me arsyetimin se të dy vendet strehojnë njerëz të lidhur me grupin militant të Partisë së Punëtorëve të Kurdistanit (PKK) dhe të tjerë që ajo i konsideron terroristë, dhe për shkak se Finlanda dhe Suedia ndaluan eksportet e armëve në Turqi në vitin 2019./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm