Fëmijët e emigrantëve në SHBA, Melanie Trump del kundër burrit të saj

00:29 | 18 Qershor 2018
Trina Galanxhi

Zonja e Parë e SHBA-ve, Melanie Trump ka bërë thirrje për t’i dhënë fund politikës së ndarjes së prindërve dhe fëmijëve që hyjnë ilegalisht në vend nga Meksika.

Ajo beson se “duhet gjetur një zgjidhje që ndjek ligjet”, por ka bërë thirrje që të qeveriset edhe me zemër, tha zëdhënësja e saj, transmeton portali arbresh.info

Komentet e saj ndjekin polemika në rritje rreth politikës së presidentit Donald Trump për “zero tolerancë”.

Në një periudhë gjashtë javore, janë ndarë rreth 2 mijë familje.

Të rriturit që përpiqen të kalojnë kufirin, shumë që planifikojnë të kërkojnë azil, futen në paraburgim dhe përballen me ndjekjen penale për hyrje të paligjshme.

Si rezultat, qindra të mitur tani janë duke u vendosur në qendrat e paraburgimit dhe po mbahen larg nga prindërit e tyre.

Grupet e të drejtave të njeriut kanë kritikuar politikën e Donald Trump./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm