Google ADS

FBI konfirmon se po heton pasi ekipi i ish-Presidentit Trump akuzoi Iranin për sulm kibernetik

07:07 | 13 Gusht 2024
E.G

FBI tha të hënën se po kryen hetime pasi ekipi i fushatës i ish-Presidentit Donald Trump tha se ishin vjedhur dokumente të ndjeshme të fushatës, disa ditë pasi fushata akuzoi për një sulm kibernetik nga Irani.

FBI-ja lëshoi një deklaratë të shkurtër ku thuhej: “Ne mund të konfirmojmë se FBI po e heton këtë çështje”.

Ekipi i kandidatit republikan nuk dha prova konkrete të përfshirjes së Iranit, por pretendimi erdhi menjëherë pasi Microsoft lëshoi një raport që detajonte përpjekjet e agjentëve të huaj për të ndërhyrë në fushatën presidenciale të këtij viti në Shtetet e Bashkuara.

Në raport përmendej një rast në qershor kur një njësi e zbulimit ushtarak iranian i kishte dërguar një virus në formën e “një emaili ndaj një zyrtari të lartë të një ekipi të një fushate presidenciale nga një llogari emaili e komprometuar e një ish-këshilltari të lartë.”

I pyetur mbi pretendimin e ekipit të zotit Trunp, misioni i Iranit në OKB mohoi që Teherani të ishte i përfshirë./voa

Shpërndaje në rrjete sociale

Lajmet më të lexuara

Të ngjashme

Foto lajm