Republika Çeke ka vendosur izolim të pjesshëm tre javor duke mbyllur shkollat, baret dhe klubet e natës, pasi Evropa po përballet me një rritje të rasteve me Covid-19.
Ky vend në rajon ka shkallën më të lartë të infeksioneve për 100 mijë njerëz, transmeton portali arbresh.info
Restaurantet do të mbyllen dhe konsumi publik i alkoolit është i ndaluar.
Në Holandë, është njoftuar gjithashtu një izolim i pjesshëm dhe maskat janë bërë të obligueshme në hapësirat e brendshme publike.
Ndërkohë, pranimi i rasteve në spital është duke u rritur shpejt sërish në shumë shtete.
Spitalet në Paris mund të kenë mbushje të 90% të shtretërve në kujdesin intensiv deri javën e ardhshme, paralajmëroi Martin Hirsch kreu i grupit të spitalit publik APHP.
Presidenti Emmanuel Macron pritet të njoftojë kufizime të mëtejshme në një fjalim televiziv të mërkurën. Raportet e mediave lokale sugjerojnë që qytetet e konsideruara si pika të nxehta, përfshirë Parisin, mund të përballen me ndalimin e mbrëmjes.
Më herët, kancelarja gjermane Angela Merkel tha se ajo ishte “duke parë me shumë shqetësim” situatën në Evropë dhe shtoi: “Duhet të them se situata vazhdon të jetë serioze”.
Zyrtarët gjermanë të shëndetësisë raportuan më shumë se 5,000 raste të reja të mërkurën, për herë të parë që nga prilli./arbresh.info/
Presidenti izraelit: Sulmi me dron në shtëpinë e Netanyahut,...
“BMW-ja është e bërë prej peshkaqenit” – Gjesti befason me t...
PSG vazhdon si lider në Ligue 1, mposht bindshëm Strasbourgu...
Scholz: Britania kryeson projektin për t’i shitur Turqisë av...
Shkodër, 30-vjeçari plagos me thikë efektivin e policisë
Serbia shtyn për vitin tjetër gërmimet në varrezën e dyshuar...