Miliona banorë në tërë Evropën janë duke i’u rikthyer normalitetit sot, pas disa javësh dhe muajsh të qëndrimit në karantinë. Por jo të gjithë janë të lumtur më normalitetin e ri.

Bizneset italiane janë në dyshim se si do të mbijetojnë pasi masat e kufizimit janë lehtësuar por jo të gjitha. Më shumë se 4 milionë njerëz janë duke pritur rikthimin e tyre në punë sot pasi shumica e bizneseve do të rihapen.

Pronari i një kafeneje në Romë, tha se lehtësimi i vetëm disa masave nuk janë të mjaftueshme për të stabilizuar gjendjen ekonomike. Sipas CNN, pronari i saj është duke punuar me vetëm 30% të kapacitetit.

“Unë sapo e hapa sot biznesin tim, por nuk ia vlen aspak. Ka shumë pak punë sot, disa njerëz janë duke ardhur për kafe, por kjo nuk është e gjitha pasi baret dhe lokalet janë edhe për biseda. Është shoqëria,” tha ai

Studentët jane rikthyer në shkollat e tyre në Gjermani me kusht të mbajtjes së distancës, janë rihapur dhe sallonet e bukurise, të cilat janë duke u përballur me një numër të madh kërkesash për të korrigjuar gabimet e prerjeve të flokëve që i  kanë bërë njerëzit gjatë karantinës. Një sallon i bukurisë në Berlin tha se ka rezervime nga konsumatorët gjatë tri javëve të tjera.

Gjithashtu edhe disa vende tjera evropiane janë duke filluar lehtësimin e masave të marra. Spanja ka lejuar njerëzit që të ushtrojnë jashtë në natyrë gjatë vikendit për herë të parë që shtatë javë. Portugalia ka rihapur dyqanet e vogla të hënën dhe në Belgjikë ka rifilluar punën transporti publik me mbajtje të maskës.

Gjatë të ditës së sotme është vërejtur edhe një rritje e trafikut në Greqi, rihapja e salloneve të bukurisë, dyqaneve të luleve dhe libraritë. Vendi ka në plan edhe pritjen e shumë turistëve të huaj sërish këtë verë./arbresh.info/