Europa ka interes të ndihmojë Afganistanin, thotë shefi i NATO-s

20:50 | 27 Shtator 2017
Trina Galanxhi

Vendet e NATO-s kanë arsye të forta për të mbështetur Afganistanin dhe do t’i përgjigjen thirrjes së Presidentit Trump për më shumë trupa dhe fonde, ka deklaruar sekretari i përgjithshëm i Aleancës Jens Stoltenberg.

“Është në interes të Europës, të aleatëve të NATO-s që të ndihmojnë në stabilizimin e Afganistanit”, tha ai gjatë një vizite në Kabul me sekretarin e mbrojtjes së SHBA-ve, Jim Mattis, transmeton portali arbresh.info

Trump e bëri të qartë muajin e kaluar se ai priste që NATO të rritë kontributin e saj në Afganistan, kur ai njoftoi një strategji të re kundër talibanëve dhe forcave tjera militante.

Megjithatë, Europa nuk ka shfaqur oreks të madh politik për t’u përfshirë në këtë situatë.

Stoltenberg tha se ndihma e NATO-s synonte të siguronte që Afganistani të mos bëhej “një strehë e sigurt për terrorizmin ndërkombëtar”, por ai përsëriti se trupat e NATO-s nuk do të marrin rolin luftarak të cilin e përfunduan në vitin 2014./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm