Presidenti i Turqisë, Recep Tayyip Erdogan, ka thënë se Stokholmi duhet të ndryshojë qëndrimin e tij ndaj grupit terrorist PKK dhe degës së saj siriane YPG.

Erdogan përsëriti kërkesën e Ankarasë në një telefonatë me kryeministren e Suedisë, Magdalena Andersson, shkruan trt, transmeton portal arbresh.info

Turqia dëshiron angazhime të detyrueshme për të gjitha çështjet, zbatim konkret dhe të qartë, tha Presidenti Erdogan, sipas një deklarate nga Drejtoria Turke e Komunikimeve.

Ankaraja pret gjithashtu që Stokholmi të heqë embargon e armëve, si dhe kufizimet e tij ligjore dhe aktuale në industrinë turke të mbrojtjes, citohet t’i ketë thënë Erdogan kryeministres së Suedisë, duke duke shtuar se Turqia gjithashtu dëshiron që Suedia të përmbushë kërkesat e saj për ekstradimin dhe dëbimin.

Erdogan ka zhvilluar bisedë telefonike edhe shefin e NATO-s, Jens Stoltenberg mbi anëtarësimin në NATO të Suedisë dhe Finlandës.

Erdogan tha se Suedia dhe Finlanda duhet të ndërmarrin hapa konkretë kundër terroristëve të PKK/YPG.

Të dy vendet nordike duhet të angazhohen për heqjen e një embargoje që është aktualisht në fuqi kundër eksporteve të industrisë turke të mbrojtjes dhe të sigurojnë që nuk do të ndërmarrin asnjë veprim të tillë në të ardhmen, tha Erdogan në bisedë me shefin e NATO-s.

Stoltenberg tha se kishte një “telefonatë të mirë” me Erdoganin për të diskutuar aplikimet e Finlandës dhe Suedisë në NATO. “Ne ramë dakord që të vazhdojmë bisedimet në Bruksel dhe Madrid javën e ardhshme”, tha Sekretari i Përgjithshëm i NATO-s në Tëitter.

Suedia dhe Finlanda, mbi anëtarësimin e tyre në NATO janë vënë nën presionin e Turqisë për t’i dhënë fund mbështetjes së tyre për grupin terrorist PKK/YPG, me Ankaranë që thotë se NATO është një aleancë sigurie dhe se çdo anëtar i mundshëm duhet të marrë një qëndrim të qartë kundër terrorizmit.

Në fushatën e saj terroriste më shumë se 35-vjeçare kundër Turqisë, PKK – e listuar si një organizatë terroriste nga Turqia, SHBA dhe BE – ka qenë përgjegjëse për vdekjen e mbi 40,000 njerëzve, duke përfshirë gra, fëmijë dhe foshnja. YPG është dega siriane e grupit terrorist PKK./arbresh.info/