Presidenti i Turqisë, Recep Tayyip Erdoğan, kritikoi Bashkimin Evropian (BE) për qëndrimin ndaj Turqisë, duke thënë se ky qëndrim është “larg nga të qenit konstruktiv”, raporton Anadolu Agency (AA).
“Kohët e fundit, qëndrimi i BE-së ndaj vendit tonë është larg nga të qenit konstruktiv”, tha Erdoğan në një konferencë shtypi në Budapest, kryeqytetin e Hungarisë, së bashku me kryeministrin hungarez Viktor Orban.
Erdoğan tha se çështjet bilaterale të disa vendeve anëtare të BE-së me nuk duhet të mbajnë peng marrëdhëniet midis Ankarasë dhe BE-së.
Komentet e presidentit turk erdhën pas takimit të katërt të Këshillit të Bashkëpunimit Strategjik të Nivelit të Lartë Turqi-Hungari.
“Është e nevojshme të konceptohet në mënyrë të duhur vlera të cilën anëtarësimi i plotë i Turqisë do t‘i shtojë BE-së”, theksoi Erdoğan.
Erdoğan përsëriti se Turqia strehon katër milionë refugjatë dhe “një numër i konsiderueshëm” prej tyre “mund të migrojnë, veçanërisht në Evropë”.
Presidenti Erdoğan tha se Turqia do të vazhdojë të strehojë popullin sirian, me ose pa mbështetjen e BE-së.
Megjithatë, tha ai, Turqia do të detyrohet t’i hapë dyert nëse nuk mund të menaxhojë çështjen.
Në fjalën e tij, Erdoğan po ashtu tha se kryeterroristi i YPG/PKK-së, Mazloum Kobani, nuk asnjë dallim nga kreu i vrarë i organizatës terroriste DEASH, Abu Bakr al-Baghdadi.
Orban, nga ana tjetër, tha se nuk është e mundur të ndalohet fluksi i migracionit në Evropë pa Turqinë.
Ai tha se Turqia duhet të mbështetet në përpjekjet e saj për kthimin e refugjatëve në vendlindjen e tyre.
Gërmimi për varreza masive në Serbi mbetet sfidë për Kosovën
Shirat e dendur godasin Japoninë, një i vdekur dhe disa të z...
Kurti: Qeverisja e mirë dhe stabiliteti institucional janë s...
FIFA cakton datat dhe vendin e Intercontinental Cup, Real Ma...
Rama përgëzon bashkitë për përkushtimin në Ditën Ndërkombëta...
SHSKUK reagon pas raportimeve për mungesë të produktit Phesg...