Presidenti turk Recep Tayyip Erdogan tha se nëse programi i avionëve amerikanë F-35 do të përjashtojë Turqinë, atëherë është “i destinuar të jetë një dështim i plotë”.
Zoti Erdogan i bëri komentet gjatë një panairi të industrisë ushtarake, ndërsa Uashingtoni e ka paralajmëruar Turqinë të mos blejë sistemin rus të raketave S-400, pasi kjo do të rrezikonte përfshirjen e Turqisë në programin e avionëve F-35.
Kjo çështje ka thelluar krisjen në marrëdhënien mes dy vendeve aleate.
Uashingtoni thotë se sistemi rus i raketave S-400 do të përbënte kërcënim për programin e avionëve F-35. Turqia e hedh poshtë këtë pretendim dhe kërkon që një komitet i përbashkët të shqyrtojë rreziqet e mundshme. Zoti Erdogan tha se “Turqia nuk pranon imponime në fushën e sigurisë dhe nuk do të pranojë as në të ardhmen”. Ai tha se Turqia ka ndërmarrë hapa për të prodhuar avionin e saj luftarak, si dhe synon të prodhojë gjithashtu avionë pa pilot.
Prishtina shënon fitoren e parë në elitën e basketbollit kos...
Scholz: E përsëris, nuk do të furnizoj Ukrainën me raketa ‘T...
Osmani flet për qëndrueshmërinë e grave në luftë dhe progres...
Dy golëshi i Zhegrovës i pamjaftueshëm për të marr fitoren L...
Porsche me motorin elektrik të Teslas
Conrad: Partneriteti me Kosovën, dëshmi e miqësisë së qëndru...