Erdogan pajtohet të mos vazhdojë gjendjen e jashtëzakonshme

10:41 | 28 Qershor 2018
Arbresh.info

Presidenti turk Recep Tayyip Erdoğan ka pranuar në takim kryetarin e Partisë së Lëvizjes Nacionaliste (MHP) Devlet Bahçeli, në kompleksin presidencial Beştepe, takimi i parë mes dy liderëve që nga zgjedhjet e së dielës.

Në takim, udhëheqësit u pajtuan të mos vazhdojnë gjendjen e jashtëzakonshme, thonë burimet presidenciale, transmeton portali arbresh.info.

Takimi mes dy udhëheqësve të Aleancës Popullore, e cila u formua nga Partia për Drejtësi dhe Zhvillim (AK Party) dhe MHP, filloi në orën 16:00 të kohës lokale dhe zgjati afro 40 minuta.

Në takimin, i cili ishte i mbyllur për media, ishin të pranishëm edhe kryeministri Binali Yıldırm, zëvendëskryetarët e MHP Semih Yalçın, Celal Adan dhe Mustafa Kalaycı./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm