Google ADS

Elefantët shpëtojnë qindra njerëz të bllokuar nga përmbytjet në Nepal

21:22 | 14 Gusht 2017
Trina Galanxhi

Dhjetëra elefantë po ndihmojnë në shpëtimin e qindra njerëzve që kanë mbetur të bllokuar nga përmbytjet vdekjeprurëse, që deri me tani kanë marrë 70 jetë njerëzish në Nepal.

Shirat e fortë kanë shkaktuar rrëshqitje të dheur dhe pritet që numri i viktimave të rritet ndjeshëm, transmeton portali arbresh.info

Pasi daljës nga shtrati të lumit Rati në Sauraha, rreth 600 persona kanë mbetur të bllokuar nga përmbytjet.

Sauhara është afër Parkut Nacional Chitwan, park që kryesisht frekuentohet nga turistët për shkak të numrit të madh të elefantëve që ndodhen aty.

Shumë prej këtyre elefantëve janë vënë në punë dhe sipas zyrtarëve, deri me tani ata kanë shpëtuar gjysmën e njerëzve që kanë mbetur të bllokuar.

Deri në 100 mijë njërëz janë prekur nga vërshimet në Nepal, ku shumë zona kanë mbetur pa energji. Rreth 26 nga 75 qarqe të vendit thuhet se janë nën ujë, ose janë goditur nga rrëshqitjet e dheut./Arbresh.info

https://www.instagram.com/p/BXxmxJVDdbu/

Shpërndaje në rrjete sociale

Lajmet më të lexuara

Të ngjashme

Foto lajm