Ekstradohet ish-efektivi i RENEA-s, dyshohet se ndihmoi në kryerjen e një atentati

13:59 | 22 Korrik 2024
E.G

Interpol Tirana realizoi të hënën ekstradimin nga Gjermania të ish-efektivit të RENEA-s, Adrian Pikli, i akuzuar nga SPAK si pjesëtar i një grupi kriminal.

Ndaj 29-vjeçarit Gjykata e Posaçme caktoi më 15 maj të këtij viti masën arrest me burg kundër tij për “mbajtje pa leje dhe prodhimi i armëve, armëve shpërthyese dhe i municionit”.

Ai akuzohet nga SPAK si pjesëmarrës në atentatin ndaj Preng Gjinit më 15 shtator 2020. I shpallur në kërkim në kuadër të operacionit të koduar “Revanshi”, Pikli dyshohet se bashkëpunoi me anëtarë të fisit Reçi për të kryer atentatin, i cili përfundoi vetëm me plagosjen rëndë të objektivit.

Roli i Piklit dyshohet se ka qenë sigurimi i lëndës plasëse.

Pikli u ekstradua “si rezultat i bashkëpunimit të vazhdueshëm ndërmjet specialistëve të Interpol Tiranës dhe homologëve në Gjermani,” njoftoi Interpol Tirana.

/rtsh.al/

Shpërndaje në rrjete sociale

Lajmet më të lexuara

Të ngjashme

Foto lajm