Burime opozitare njoftojnë se të paktën 20 figura opozitare dhe akademikë janë arrestuar në Egjipt si pjesë e masave më të gjera ndaj disidentëve, raporton Anadolu Agency (AA).
Vargu i arrestimeve ndodh para protestave të planifikuara për të premten kundër presidentit të Egjiptit, Abdel-Fattah El-Sisi, i cili erdhi në pushtet në vitin 2014 pas një grushti shteti me të cilin u rrëzua nga pushteti presidenti i parë i vendit i zgjedhur në mënyrë demokratike, Mohamed Morsi. Morsi ndërroi jetë më herët gjatë vitit gjatë seancës gjyqësore, pasi kaloi disa vite në paraburgim.
Javën e kaluar, qindra qytetarë të Egjiptit dolën në rrugë për të protestuar kundër vështirësive ekonomike për shkak të masave të vazhdueshme shtrënguese.
Nour Farhat, profesor i juridikut, në një postim në rrjetet sociale tha se mbrëmjen e së martës akademiku Hazim Housni ishte arrestuar dhe se akoma nuk dihej vendndodhja e tij.
Farhat kërkoi lirimin e tij të menjëhershëm, si dhe mundësimin e avokatëve.
Partia Istiklal, që po mbështet protestat antiqeveritare, në një njoftim me shkrim tha se 20 anëtarë të lartë të partisë janë arrestuar, duke përfshirë edhe sekretarin e përgjithshëm Magdy Qorqor.
Figura të tjera opozitare gjithashtu konfirmuan arrestimet.
Hamza Zouba, një lider i Vëllazërisë Myslimane, tha se Hasan Nafaa gjithashtu është arrestuar. Nafaa merrte pjesë në protestat e “Pranverës Arabe” kundër Hosni Mubarakut, i cili kishte qeverisur me vendin për pothuajse tre dekada.
Raporti i Progresit pritet t’u kërkojë Kosovës e Serbisë zba...
Prokuroria e Durrësit sekuestroi 102 konteinerët e mbushur m...
Funksionalizohet shërbimi “Deklarimi i Adresës Zyrtare...
Policia gjobit dy shoferë në dy raste të ndara në Gjilan
Vrasja e rëndë në Prishtinë, Prokuroria: Ndalohet një person...
Sami Lushtaku paditë Lëvizjen Vetëvendosje për shpifje dhe d...