Google ADS

Edhe Mali i Zi dëbon një diplomat rus

15:33 | 28 Mars 2018
Arbresh.info

Qeveria e Malit të Zi ka marrë vendim për të shpallur një përfaqësues diplomatik të akredituar në Ambasadën e Federatës Ruse për persona non grata dhe për të tërhequr pëlqimin e konsullit të nderit të Federatës Ruse në Malin e Zi.

Për këtë, siç bëhet e ditur në një njoftim të Qeverisë së Malit të Zi, përcjell Telegrafi, është informuar edhe ambasada e Federatës Ruse në Podgoricë.

Ambasada, siç thuhet më tej, u informua se në një afat prej shtatë ditësh, përfaqësuesi diplomatik të largohet nga Mali i Zi.

“Mali i Zi e ka marrë këtë vendim në koordinim me aleatët tanë, në përputhje me masat e marra nga anëtarët e BE-së dhe NATO-s, lidhur me veprimet e Rusisë dhe sulmin nervor në territorin e Mbretërisë së Bashkuar të cilat janë dënuar menjëherë nga Qeveria e Malit të Zi, në solidaritet me partnerët tanë britanikë”, thuhet në njoftim. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm