Google ADS

E veja e fituesit të Çmimit Nobel “e gatshme për të vdekur”

19:39 | 3 Maj 2018
Arbresh.info
E veja e fituesit të Çmimit Nobel për Paqe, Liu Xiaobo ka thënë se është gati për të vdekur, në shenjë proteste të arrestit shtëpiak nga autoritetet kineze.
Liu Xia, 57 vjeçare gjendet në arrest shtëpiak nga viti 2010, pasi burri i saj është shpërblyer me çmimin Nobel.

Ajo nuk është akuzuar kurrë për ndonjë krim.

Liu Xiaobo ka qenë një nga personat më të zëshëm në fushatën për demokraci dhe është njohur si kritik i shtetit.

Ai ka vdekur vitin e kaluar, derisa ka qenë duke kryer dënimin e tij prej 11 vitesh burgim për “rebelim”.

Prej vdekjes së Liu, janë shtuar shqetësimet për gjendjen e gruas së tij.

Është raportuar se ajo është duke u përballur me depresion pasi ka kaluar disa vite nën vëzhgim të rreptë, derisa gazetarëve u është ndaluar që të takohen me të.

Një mik i saj ka thënë se gjatë një bisede telefonike, Liu Xia ka thënë se për të “është më mirë të vdesë se të jetojë”.

Shpërndaje në rrjete sociale

Lajmet më të lexuara

Të ngjashme

Foto lajm