E ther ushtarin italian duke bërtitur ‘Allahu Ekber’

14:22 | 17 Shtator 2019
Arbresh.info

Një ushtar italian është therur në qafë nga një person që bërtiti “Allahu Ekber” jashtë Stacionit Qendror në Milano.

Therje e pretenduar thuhet të ketë ndodhur rreth orës 10:45 sipas kohës lokale, transmeton portali arbresh.info.

Ushtari u godit në qafë dhe shpatull gjatë sulmit të tërbuar, njofton Milano Today.

Sulmuesi u largua nga vendi i ngjarjes në drejtim të Via Vittor Pisani, por u arrestua shpejt nga policia në atë moment që ai bërtiti “Allahu Ekbar”.

Policia dhe personeli ushtarak shpejtuan në vendngjarje dhe krijuan një kordon sigurie. Hetimet janë duke u zhvilluar për të përcaktuar nëse incidenti ishte i lidhur me terrorizmin.

Ushtari 34-vjeçar u dërgua në një spital aty pranë për trajtim urgjent, ku gjendja e tij u vlerësua jo e rrezikshme për jetën, megjithë plagën e thellë në qafë.

Sulmuesi, që raportohet se është një shtetas i huaj, ishte i armatosur me një palë gërshërë dhe me sa duket ishte një vizitor i rregullt i stacionit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm