Njerëzit janë duke blerë ari si investim, dhe janë duke bërë përpjekje për të ndaluar inflacionin, pasi pandemia po shkatërron ekonomitë.

Pasiguria në mesin e pandemisë së koronavirusit të ri ka shkaktuar një rritje të çmimit të arit, duke arritur në më shumë se 1.700 dollarë për ons (33.1 gramë) e cila në fillim të vitit ishte rreth 1.500 dollarë, transmeton portali arbresh.info.

Shumë vende po përpiqen në mënyrë të dëshpëruar të zbatojnë masa që mund të pengojnë gjakderdhjen ekonomike nga bllokimi i pandemisë, përfshirë paketat stimuluese ose ndihmat financiare për bizneset.

Mes pasigurisë, njerëzit kanë filluar të blejnë ar për të shmangur efektet negative të inflacionit ose sepse e shohin atë si një investim të shëndoshë financiar gjatë një krize.

Sipas një raporti të fundit të Korporatës së Bankës së Amerikës (BofA) “Rezerva Federale nuk mund të shtypë ari”, çmimi i një ons ari do të arrijë 3,000 dollarë në 18 muaj.

Ky vlerësim është 56 përqind më i lartë se rekordin historik të arit në Shtator 2011 kur çmimi arriti në 1.921 dollarë.

Pse ari shihet si një bast i sigurt

Ekzistojnë disa arsye që njerëzit investojnë në ar, si një mbrojtje e inflacionit në një medium investimesh gjatë kohërave të krizës.

Nga egjiptianët në qytetërimin Inca, ari është parë si një produkt jashtëzakonisht i vlefshëm.

Ari ndryshon nga metalet e tjera për sa i përket qëndrueshmërisë me kalimin e kohës që do të thotë metale të tjera të prirur të gërryhen me kalimin e kohës ndërsa ari është një nga metalet më pak reagues.

Ari u bë i pranuar në mënyrë universale si një mjet pagese përgjatë historisë dhe shihet si një mbrojtje e favorshme ndaj inflacionit. Perceptohet si një investim i mirë kundrejt një monedhe në rënie.

Për shembull, vlera e arit është rritur gati shtatë herë që nga fillimi i Mijëvjeçarit.

Për më tepër, furnizimi i arit, i cili vjen nga minierat, është ulur që prej vitit 2016 gjë që rrit edhe çmimin e tij./arbresh.info/