Dy tërmete godasin Italinë, ende nuk dihet sa persona janë të lënduar

22:21 | 9 Shkurt 2022
KRG

Rreth orës 20:00 të së mërkurës, një dridhje toke ka goditur Italinë.

Sipas mediave të huaja, përcjell Telegrafi, lëkundjet u ndjenë në veri të vendit rreth 25 kilometra nga Moderna dhe 10 kilometra nga Carpi Centro.

Siç është bërë e ditur, tërmeti ka qenë me magnitudë 4.8 ballë të shkallës Rihter.

Sipas EMSC, epiqendra e tërmetit ishte në një thellësi prej 15 kilometrash.

Deri më tani nuk ka informacione për dëme materiale apo nëse ka të lënduar.

Veç kësaj, rreth orës 21:00 ka ndodhur një tjetër tërmet.

Sipas informacioneve të para nga EMSC, magnituda është 4.9 ballë.

Shumë qytetarë u shfaqen menjëherë në rrjetet sociale dhe raportuan se e ndjenë fuqinë e tërmetit.

“Fillimisht ndjeva një zhurmë të shurdhër, e më pas një dridhje e fortë që më lëvizi edhe shtratin”, ka shkruar një qytetar.

Shpërndaje në rrjete sociale

Lajmet më të lexuara

Të ngjashme

Foto lajm