Drama në Mesdhe: Shpëtohen rreth 100 migrantë, 20 të zhdukur

23:04 | 28 Shkurt 2021
Trina Galanxhi

Gati 100 migrantë, që ishin nisur drejt Europës, janë shpëtuar në brigjet e Libisë, ndërsa 20 persona konsiderohen të zhdukur.

Migrantët, kryesisht afrikanë, u shpëtuan nga Rojet Bregdetare Libiane dhe u kthyen në Tripoli, ku u morën nga një ekip i Organizatës Ndërkombëtare për Migracionin (IOM), transmeton portal arbresh.info

Midis migrantëve, kryesisht nga Kameruni, Sudani dhe Mali, ishin gjashtë gra dhe dy fëmijë.

IOM njoftoi se më shumë se 1,200 migrantë vdiqën në vitin 2020 në Detin Mesdhe, dhe 3,700 u shpëtuan këtë vit.

Agjencitë e OKB dhe organizatat humanitare kundërshtojnë që migrantët e shpëtuar në det të mbahen më pas të ndaluar në qendrat në Libi ku situata është shumë e keqe./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm