Google ADS

“Djalli është më inteligjent se ne, prandaj mos bisedoni me të”, thotë Ati i Shenjtë

23:51 | 13 Dhjetor 2017
Trina Galanxhi

Papa Françesku ka paralajmëruar se djalli është një forcë e keqe dhe që është shumë më inteligjente se të vdekshmit dhe që “do të luajnë me mendjen tuaj”.

Ai u ka bërë thirrje katolikëve që të mos e lënë djallin të sundojë kokat e tyre, shkruan “La Stampa”, transmeton portali arbresh.info

“Ai është i keq, nuk është si mjegull. Ai është një gjë e përhapur, ai është një person. Askush nuk duhet të flasë me djallin dhe sapo të fillosh të flasesh me të, je i humbur”, ka thënë ai.

“Ai gjithnjë pretendon të jetë i sjellshëm me ne. Madje pretendon të jetë i sjellshëm edhe me priftërinjtë dhe peshkopët”, shtoi ai.

Komentet e Atit të Shenjtë vijnë nëntë muaj pasi ai ka kërkuar nga priftërinjtë që të përdorin ekzorcizmin nëse dëgjojnë rrëfime demoniake.

Papa Françesku flet për djallin më shumë sesa paraardhësit e tij, ndërsa atë e përshkruan si “Satana”, “E liga”, “Joshësi” dhe “Dragoi i madh”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm