Komandanti i Ushtrisë së Gardës Revolucionare të Iranit, Ali Shademani, pretendon se disa shtete arabe kanë luajtur rol në transferimin e terroristëve të DAESH-it në Afganistan, transmeton Anadolu Agency (AA).
Në një deklaratë për agjencinë e lajmeve Tasnim, Shademani tha se “Armiku i cili zbatoi planin e DAESH-it në Irak dhe Siri, tani po e vazhdon edhe në Afganistan dhe disa shtete arabe kanë rol në transferimin e militantëve të DAESH-it në Afganistan”.
Pasi ka paralajmëruar se transferimi i militantëve të DAESH-it në Afganistan do të jetë në dëm kryesisht të Kinës dhe Rusisë, komandanti Shademani ka pretenduar se për organizatën po kërkohet hapja e hapësirës në Afganistan ashtu sikurse në Irak dhe Siri.
Shademani pretendon se edhe SHBA-ja ka gisht në transferimin e militantëve të DAESH-it në vendin në fjalë, por se plani i qeverisë së Uashingtonit do të dështojë.
Izraeli thotë se ka goditur qindra caqe në Liban
“Të kthehemi më të fortë”, Flick flet pas humbjes së Barcelo...
Të shtënat me armë në ahengje, MPB: Gjatë gushtit u konfisku...
Për një javë policia shqiptoi afro dy mijë gjoba trafiku në ...
Lajçak: Dy javët e fundit, fokusin e kisha në dialog
“Travel and Tour World”: Shqipëria moment historik të ri në ...