Google ADS

Disa pjesë të xhamisë turke në Mariupol mbetën të dëmtuara nga përleshjet

22:48 | 20 Prill 2022
Trina Galanxhi

Xhamia turke në Mariupol të Ukrainës është dëmtuar gjatë përleshjeve midis forcave të vendit dhe atyre ruse, raporton Anadolu Agency (AA).

Sipas informacioneve të marra, struktura kryesore e Xhamisë së Sulejmanit të Madhërishëm në Mariupol, e ndërtuar nga një bamirës turk për nder të sulltanit të famshëm dhe gruas së tij Sulltaneshës Hyrrem, i ka mbijetuar konflikteve pa dëme, por disa pjesë të përreth janë dëmtuar.

Në veçanti, hyrja e kopshtit të xhamisë dhe shatërvani janë dëmtuar nga raketat që kanë rënë në afërsi. Pjesë të vogla guri dhe betoni janë derdhur në xhami për shkak të shpërthimeve jashtë.

Kur filloi lufta, Turqia zhvilloi aktivitete intensive diplomatike me Rusinë dhe Ukrainën për të evakuuar civilët që ishin strehuar në xhami. Pasi zona ku ndodhej xhamia kaloi nën kontrollin e ushtrisë ruse, civilët në xhami u evakuuan.

Xhamia, e cila u hap për adhurim në vitin 2005, ishte një nga vendet e vizituara nga turistët që vinin në qytet para luftës.

Ukrayna’nın Mariupol kentinde Kanuni Sultan Süleyman ve Hürrem Sultan’ın anısına hayırsever bir Türk tarafından yaptırılan cami, çatışmalarda hasar gördü. Özellikle cami bahçesinin girişi ve şadırvan, yakınlara isabet eden roketler nedeniyle zarar gördü. ( Leon Klein – Anadolu Ajansı )

Shpërndaje në rrjete sociale

Lajmet më të lexuara

Të ngjashme

Foto lajm