Kreu i Lëvizjes Kombëtare Turke, Devlet Bahçeli, deklaroi se lufta me Greqinë është “vetëm çështje kohe”.
“Është e pakonceptueshme t’ua kthejmë shpinën interesave tona historike në Mesdhe dhe Egje”, tha Bahçeli në një deklaratë të raportuar nga faqet arabe të lajmeve.
“Duket se oreksi dhe dëshira e Greqisë për t’u hedhur në det është shtuar përsëri”, vazhdoi politikani ultrakonservator i cili tha se “qëllimi i Greqisë është të vijë përsëri dhe t’i pushtojë tokat tona nga ku ne i dëbuam 98 vjet më parë. Praktikisht, po përballemi me një plan të ri pushtimi”, ishte komenti i tij.
Bahceli, i cili është një aleat i partisë turke në pushtet, vazhdoi: “Nga tani e tutje, qëndrimi dhe sjellja e Greqisë do të jetë ajo që do të përcaktojë tensionet në rritje, nëse do të shkaktojnë gjakderdhje apo konfrontim”. Përpara pak ditësh shefi i NATO-s, Jens Stoltenberg, njoftoi se palët kishin rënë dakord të uleshin në tryezën e bisedimeve, por kjo u mohua nga Athina.
Ministri i Jashtëm turk Mevlut Cavusoglu deklaroi se grekët në fillim kishin qenë dakord për bisedime, pastaj ishin tërhequr. “Ajo që po gënjen është Greqia dhe jo sekretari i përgjithshëm. Athina e tregoi edhe një herë se nuk e do dialogun”, u shpreh Cavusoglu.
Ushqimet e duhura për të shmangur ftohjen
Alexander-Arnold i përgjigjet raportimeve se po synon blerje...
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent