Deputetët kanadezë dënojnë ‘gjenocidin’ rus

01:10 | 28 Prill 2022
Trina Galanxhi

Parlamenti i Kanadasë ka dënuar njëzëri veprimet e Rusisë në Ukrainë si “gjenocid”.

Deputetët ranë dakord se kishin “prova të qarta dhe të bollshme të krimeve sistemike dhe masive të luftës kundër njerëzimit” nga trupat ruse, shkruan BBC, transmeton portal arbresh.info

Vrasjet e civilëve në Ukrainë janë konsideruar “gjenocid” edhe nga Presidenti i Polonisë dhe ai i SHBA-ve.

Liderët tjerë nuk e kanë përmendur termin “gjenocid” kur kanë folur për luftën në Ukrainë, ndërsa Presidenti i Francës, Emmanuel Macron, ka theksuar se “nuk duhet përdorur terma që nxisin konfliktin”.

E drejta ndërkombëtare e përkufizon gjenocidin si “veprim të qëllimshëm për të shkatërruar, tërësisht ose pjesërisht, një grup kombëtar, etnik, racor ose fetar”.

Vitin e kaluara, deputët kanadezë, kanë dënuar edhe trajtimin e Kinës ndaj popullit ujgur, të cilat veprime i kanë cilësuar si “gjenocid”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm