Departamenti i Drejtësisë i SHBA-së ka dërguar dokumente e kërkuara nga Kongresi, me qëllim që të dëshmohet nëse ish-presidenti Barack Obama ka spiunuar presidentin Donald Trump, ashtu siç pretendon ky i fundit.
Një burim nga qeveria i ka thënë agjencisë Reuters se hetimet e para të dokumenteve tregojnë se nuk ka asnjë dëshmi që konfirmon pretendimet e Trumpit se ai është përgjuar ose vëzhguar vitin e kaluar në rezidencën e tij në Nju Jork.
Departamenti i Drejtësisë mbrëmë ka thënë se i ka dërguar dokumentet në Dhomën e Përfaqësuesve dhe në komitetet për inteligjencë dhe drejtësi të Senatit.
Kryetari i Komitetit për Inteligjencë, Devin Nunes ka thënë se Departamenti i është përgjigjur plotësisht kërkesës së panelit.
Komiteti ka kërkuar kopje të çfarëdo urdhri të gjykatës që ka autorizuar vëzhgimin e Trumpit apo të bashkëpunëtorëve të tij, që mund të jetë lëshuar vitin e kaluar.
Liderët republikanë dhe demokratë në Dhomën e Përfaqësuesve dhe në komitetet e inteligjencës të Senatit, më herët kanë thënë se nuk kanë gjetur të dhëna substanciale që mbështesin pretendimet e Trumpit se paraardhësi i tij, Obama ka urdhëruar agjencitë e SHBA-së që ta spiunojnë.
Erdogan bën thirrje për një embargo armësh ndaj Izraelit
Zbulohet se sa banorë do të hyjnë sot në BBVK
Biden: Armëpushimi është i mundshëm në Liban, por më i vësht...
Përjashtohen me 10 ditë nga seancat deputetët e PD-së Elda H...
Zinedine Zidane nuk kishte asnjë dyshim kur emëroi golin ‘më...
Haradinaj në Universitetin e Chicagos: Kosova pret me paduri...