Danimarka akuzon një qytetar rus për spiunim për Rusinë

15:21 | 9 Dhjetor 2020
Arbresh.info

Një shtetas rus që jeton në Danimarkë është akuzuar për spiunazh mbi pretendimin se ka siguruar mes tjerash informacione në lidhje me teknologjinë daneze të energjisë, për një shërbim inteligjent rus pa emër, transmeton Anadolu Agency (AA).

I dyshuari, i cili nuk u identifikua, është mbajtur në paraburgim që nga fillimi i korrikut, tha Autoriteti i Prokurorisë së Danimarkës.

Nuk është e qartë nga deklaratat e bëra nëse i dyshuari është burrë apo grua.

Çështja bazohet në “një hetim të madh” nga Shërbimi danez i Sigurisë dhe Inteligjencës, i cili shtoi se personi kishte marrë para në këmbim të informacionit.

Nëse shpallet fajtor, qytetari rus përballet me gjashtë vjet burg. Prokuroria gjithashtu mund të kërkojë që personi të dëbohet nga Danimarka.

Shpërndaje në rrjete sociale

Lajmet më të lexuara

Të ngjashme

Foto lajm