Google ADS

Danezët kërkojnë që t’u lejohet mbulimi i fytyrës

23:04 | 1 Gusht 2018
A. B.

Rreth 1300 danezë marshuan sot në Kopenhagë në shenjë proteste kundër vendimit të parlamentit për ndalimin e mbulimit të fytyrës.

Në parullat e marshit thuhej se ky vendim ishte në kundërshtim me të drejtat e grave për t’u veshur si të duan, shkruan Reuters.

Parlamenti i Danimarkës në maj të këtij viti mori vendim që ta ndalojë mbulimin e fytyrës nga gratë, apo siç quhet ndryshe nga myslimanët, “nikabin”. Ky ligj u votua në emër të sekularizmit dhe vlerave demokratike.

Për t’i mbështetur gratë që e praktikojnë këtë gjë, protestuesit mbuluan fytyrat e tyre.

“Jo racistëve në rrugët tona” dhe “Jeta ime, zgjedhja ime” ishin disa nga parullat kryesore të marshit.

Shifrat e grave që e mbulojnë fytyrën në Danimarkë janë rreth 150 deri 200, apo 0.1 përqind e popullsisë, ndërsa besimit islam i takojnë pesë përqind  e popullsisë.

Sipas ligjit, policia ka të drejtë t’ua largojë mbulesën nga fytyra grave ose t’i detyrojë të largohen nga hapësirat publike.

Shpërndaje në rrjete sociale

Lajmet më të lexuara

Të ngjashme

Foto lajm