Qeveria italiane ka miratuar një nga masat më të rrepta në botë si pasojë e pandemisë.

Të gjithë punonjësve të sektorit publik dhe privat u kërkohet të kenë një certifikatë vaksinimi, një test negativ të koronavirusit ose një certifikatë se ata janë shëruar kohët e fundit nga infeksioni i koronavirusit, transmeton portal arbresh.info

Vendimi është marrë gjatë një séance parlamentare dhe pritet të hyjë në fuqi me 15 tetor.

Qëllimi i lëvizjes është të bindë njerëzit të vaksinohen dhe të zvogëlojnë infeksionin në një nga vendet më të prekura nga pandemia e koronavirusit.

Një punonjës që nuk do të jetë në gjendje të tregojë një certifikatë të vlefshme shëndetësore do të pezullohet pa pagesë, por nuk mund të pushohet nga puna.

Ata që paraqiten në punë pa certifikatë do të marrin një gjobë prej 600 deri në 1500 euro, shkruan Reuters.

Megjithëse disa vende të BE -së kanë urdhëruar punonjësit e kujdesit shëndetësor të vaksinohen, asnjë para Italisë nuk ka përcaktuar që një certifikatë covid është e detyrueshme për të gjithë punonjësit.

Edhe pse në Itali janë zhvilluar protesta kundër masave të rrepta, shumica e partive politike dhe shoqatat kryesore të punëdhënsve i kanë mbëshetur ato, duke shpresuar që vendi të mos shkojë sërish drejt izolimit.

Drejtuesit e sindikatave janë më pak të prirur ndaj kufizimeve të reja dhe besojnë se ata që nuk duan të vaksinohen duhet të marrin testet falas në mënyrë që të jenë në gjendje të vijnë në punë.

Italia, pas Britanisë së Madhe ka numrin më të madh të vdekjeve në Europë nga koronavirusi, ku më shumë se 130 mijë njerëz kanë humbur jetën që nga fillimi i pandemisë.

Rreth 74 përqind e 60 milion njerëzve morën të paktën dozën e pare të vaksinës dhe rreth 68 përqind janë vaksinuar me të dyja dozat./arbresh.info/