Suedia dhe Japonia janë vendet, që pas shpërthimittë krizës globale të pandemisë se Covid-19, zgjodhën një rrugë tjetër në krahasim me vendet e tjera dhe ia atribuan suksesin e tyre fillestar përparësive të supozuara të një karakteri kombëtar, por tani të dy vendet po paguajnë një çmim të lartë, vlerëson CNA .

Në fillim të pandemisë, kishte dallime drastike në përgjigjjet ndaj krizës, ndërsa Japonia dhe Suedia e bazuan atë në strategjinë e tyre në sjelljen vullnetare të popullsisë dhe vetë-përgjegjësisë, transmeton portal arbresh.info

Sipas CNA, në fillim të vitit kur dihej pak për koronavirusin, ndryshimi nuk ishte për t’u habitur, por tani me studime të shumta dhe mes dhjetëra mijëra artikujve kërkimorë, rastet në të dy vendet janë rritur.

Megjithatë, thekson artikulli, disa vende vazhdojnë t’i rezistojnë strategjive popullore, të tilla si bllokadat, dhe insistojnë të ndjekin rrugën e tyre, me shkallë të ndryshme të suksesit.

Një nga faktorët që shfaqet në përgjigjet e të dy Japonisë dhe Suedisë është “jashtëzakonshmëria kombëtare”, e cila i referohet mendimit se popullsia e atyre vendeve “jo vetëm që është e ndryshme nga të tjerët, por që ajo është në një farë mënyre superiore”.

Liderët e të vendeve theksuan se bllokada dhe izolimi për shkak të pandemisë parandalohej me Kushtetutë, pasi paraqesin kërcënim për shkeljet e të drejtave të njeriut.

Suedia lejoi bare, restorante dhe palestra të veprojnë gjatë pandemisë, nuk kërkoi përdorimin e një maske mbrojtëse në vende publike, madje edhe qëndrimi zyrtar i Suedisë është që maskat mund të kontribuojnë në përhapjen e koronavirusit, në vend se të parandalojnë atë.

Japonia gjithashtu nuk vendosi kufizime, por  mbylli kufijtë e saj në fillim të këtij viti, autoritetet po bëjnë përpjekje për të kërkuar kontakte me të infektuarit, dhe pothuajse të gjithë në Japoni kanë vullnetarisht një maskë mbrojtëse.

Me 7,993 viktima, Suedia është vendi i 13-të në Europë për nga numri i vdekjeve për shkak të Covid- 19, dhe Japonia është shteti i 13-të në Azi që ka numrin më të lartë të viktimave nga koronavirusi./arbresh.info/