Google ADS

COVID-19 në Francë infekton më shumë se 41 mijë persona brenda 24 orëve

21:54 | 22 Tetor 2020
Arbresh.info

Me regjistrimin e 41.622 rasteve të reja me koronavirusin e ri (COVID-19) në 24 orët e fundit, Franca arriti numrin më të lartë të rasteve ditore që nga fillimi i pandemisë.

Sipas një deklarate nga Instituti i Shëndetit Publik, rastet e përditshme me COVID-19 po vazhdojnë të rriten me shpejtësi në vend.

Numri i të infektuarve ka arritur në 999.043, ndërkohë që shifra ditore prej 41.622 rastesh është më e larta e regjistruar në gjithë Evropën deri më tani.

Ndërkaq, 165 persona të tjerë kanë humbur jetën si pasojë e virusit në Francë, duke e çuar numrin e përgjithshëm në 34.210.

Po ashtu, 10.166 persona janë marrë për trajtim në spitalet e vendit në shtatë ditët e fundit, prej të cilëve 1.627 po trajtohen në njësitë e kujdesit intensiv./aa/

Shpërndaje në rrjete sociale

Lajmet më të lexuara

Të ngjashme

Foto lajm