Numri i personave që janë duke iu nënshtruar trajtimit nga koronavirusi i ri (COVID-19) në mbarë botën ka tejkaluar shifrën 20 milionë.
Sipas faqes së internetit “Worldometer”, e cila përpilon informacionet më të fundit mbi pandeminë, në botë momentalisht janë 20.005.602 raste aktive me COVID-19.
Në 19.898.756 prej tyre simptomat e sëmundjes janë të lehta ndërsa 106.846 pacientë janë në rrezik për jetën.
Rritja e numrit të pacientëve në trajtim rrit barrën mbi sistemet shëndetësore të vendeve.
Vendet me numrin më të lartë të rasteve aktive janë SHBA-të (6.599.959), Franca (2.131.667), Brazili (729.746), Italia (684.848), Belgjika (544.578), Rusia (493.437), India (405.335), Ukraina (376.040), Gjermania (340.921) dhe Polonia (263.483).
Ndërkaq, në Turqi me datën 12 dhjetor numri i rasteve aktive ishte 212.045, prej të cilëve 5.961 në gjendje të rëndë.
Që nga shfaqja për herë të parë në qytetin Wuhan të Kinës në dhjetor 2019, koronavirusi u përhap në të gjithë botën, duke infektuar mbi 72 milionë njerëz dhe duke shkaktuar mbi 1 milion e 611 mijë të vdekur./AA/
Princi Harry dhe Meghan Markle blenë një shtëpi në Europë
Kryeministri britanik: Vaksina kundër obezitetit ndihmon eko...
Kapiteni i klubit “Bashkimi”, Altin Morina: Luftojmë për çdo...
Policia në rajonin e Mitrovicës së jugut po realizon fushatë...
Balluku: Së shpejti nis ndërtimi i stacioneve të hekurudhës ...
Këshilltari i Kurtit: Jo zbatim të pjesshëm të marrëveshjes,...