COVID-19 – Gjermania heq kufizimet

15:31 | 25 Maj 2022
K.B

Kufizimet e koronavirusit për personat që hyjnë në Gjermani do të hiqen nga fillimi i qershorit deri në fund të gushtit.

”Nga e mërkura e ardhshme nuk do të kërkohet më dëshmi nëse një udhëtar vaksinohet, kurohet nga Covid-19 ose ka një test negativ – i ashtuquajturi rregulli 3G”, tha ministri i Shëndetësisë Karl Lauterbach.

Aktualisht një provë e tillë kërkohet ende për këdo mbi moshën 12 vjeç.

“Deri në fund të gushtit ne do të pezullojmë rregullin 3G në hyrje”, theksoi Lauterbach për gazetat e grupit mediatik Funke.

Rregulla më të rrepta do të mbeten në fuqi për ata që hyjnë në Gjermani nga të ashtuquajturat zona të variantit të virusit, por aktualisht asnjë vend nuk është përcaktuar si zonë e variantit të virusit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm