Civilë të vrarë në sulmin me municione thërmuese në një spital në Ukrainë

01:19 | 26 Shkurt 2022
Trina Galanxhi

Organizata joqeveritare Human Rights Watch (HRW) thotë se ka prova se një “raketë balistike ruse që mbante një municion thërrmues goditi pak jashtë një spitali” në Ukrainë të enjten, afër Donetsk.

Në raport thuhet se katër civilë u vranë dhe 10 u plagosën. Gjashtë nga të plagosurit janë punonjës të kujdesit shëndetësor, transmeton portal arbresh.info

Organizata thotë se “intervistuan veçmas me telefon një mjek dhe një zyrtar nga spitali, i njohur si Spitali Qendror i Qytetit, i cili dha emrat e atyre që u plagosën ose u vranë, dhe ndanë fotografitë e dy prej të vdekurve”.

Gjithashtu, organizata shton se gjatë sulmit është përdorur një “raketë balistike Tochka e serisë 9M79 me një kokë lufte municioni thërrmues 9N123”.

Ekziston një traktat ndërkombëtar që ndalon municionet thërrmuese, por as Rusia dhe as Ukraina nuk janë nënshkruese./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm