Shtëpia e Bardhë, së bashku me disa vene të BE-së, njoftuan të shtunën dëbimin e disa bankave ruse nga SWIFT, rrjeti i sigurisë së lartë që lidh mijëra institucione financiare në mbarë botën, shkruan CNN, transmeton arbresh.info.

Por çfarë është saktësisht SWIFT dhe si do të ndikojë në Rusi?

SWIFT do të thotë Shoqëria për Telekomunikacion Financiar Ndër bankar në mbarë botën. Ajo u themelua në vitin 1973 për të zëvendësuar teleksin dhe tani përdoret nga mbi 11 mijë institucione financiare për të dërguar mesazhe të sigurta dhe urdhërpagesa. Pa asnjë alternativë të pranuar globalisht, është një hidraulik thelbësor për financat globale.

Heqja e Rusisë nga SWIFT do të bënte pothuajse të pamundur për institucionet financiare dërgimin e parave brenda ose jashtë vendit, duke shkaktuar një tronditje të papritur për kompanitë ruse dhe klientët e tyre të huaj – veçanërisht blerësit e eksporteve të naftës dhe gazit në dollarë amerikanë.

SWIFT është me bazë në Belgjikë dhe drejtohet nga një bord i përbërë nga 25 persona. SWIFT, i cili e përshkruan veten si një ‘shërbim neutral’, është inkorporuar sipas ligjit belg dhe duhet të jetë në përputhje me rregulloret e BE-së.

Çfarë ndodhë nëse Rusia largohet?

Ka precedent për heqjen e një vendi nga SWIFT.

SWIFT shkëputi bankat iraniane në vitin 2012 pasi ato u sanksionuan nga BE për programin bërthamor të vendit. Irani humbi pothuajse gjysmën e të ardhurave të tij nga eksporti i naftës dhe 30 për qind të tregtisë së jashtë pas shkëputjes, sipas ekspertëve.

Shtetet e Bashkuara dhe Gjermania kanë më shumë për të humbur nëse Rusia shkëputet, sepse bankat e tyre janë përdorues të shpeshtë të SWIFT në komunikim me bankat ruse, sipas Maria Shagina, një anëtare vizitore në Institutin Finalandez të Çështjeve Ndërkombëtare.

Ligjvënësit e lartë rusë janë përgjigjur duke thënë se dërgesat e naftës, gazit dhe metaleve në Evropë do të ndaleshin nëse Rusia dëbohet./arbresh.info/