Çekia shënon 500 raste me koronavirus brenda 24 orëve të fundit

11:45 | 6 Shtator 2020
Arbresh.info

Republika e Çekisë ka raportuar një rritje prej 508 rasteve të reja me koronavirus, më 6 gusht, duke e çuar numrin total të rasteve në 27,752.

Në mesin e tyre janë 8,282 raste aktive dhe 19,039 të shëruar, sipas raportimeve zyrtare.

Qeveria e ka bërë të obligueshme vendosjen e maskës në transportin publik si dhe nga 9 shtatori, vendosja e maskës do të jetë obligative në të gjitha ngjarjet që zhvillohen në ambiente të mbyllura, përfshirë edhe dyqanet. Maskat do të jenë obligative edhe në shkolla.

Masat e karantinës, sipas raportimeve, do të shkurtohen në 10 ditë nga ato që ishin dy javë. Të gjithë ata që vijnë nga vendet ku ka përhapje të madhe të virusit duhet të testohen negativ për COVID-19 ose të izolohen.

Qeveria çeke ka hapur kufijtë me Poloninë, Sllovakinë, Austrinë, Gjermaninë si dhe me Hungarinë.

Numri i rasteve me koronavirus në gjithë botën ka arritur në mbi 27 milionë, sipas të dhënave të Universitetit John Hopkins./REL/

Shpërndaje në rrjete sociale

Lajmet më të lexuara

Të ngjashme

Foto lajm