Çekia e ekstradon në SHBA hakerin rus

15:12 | 30 Mars 2018
Arbresh.info

Ministria e Drejtësisë e Çekisë konfirmoi se një haker i dyshuar rus, i kërkuar edhe nga Uashingtoni, edhe nga Moska, është ekstraduar në Shtetet e Bashkuara
Yevgeny Nikulin akuzohet për piraterimin e rrjeteve sociale LinkedIn dhe Formspring dhe të shërbimit online Dropbox, më 2012-2013.

Në SHBA, ai përballet me 30 vjet burgim nëse shpallet fajtor.

Rasti i tij është bërë ndërkombëtar pasi Rusia ka bërë kërkesë për ekstradim, menjëherë pas kërkesës së ngjashme të SHBA-së.

Në Rusi, Nikolin dyshohet për përfshirje në vjedhjen e 2,000 dollarëve online, në vitin 2009.

“E konfirmojmë ekstradimin e tij në SHBA”, tha një zëdhënëse e Ministrisë çeke të Drejtësisë për agjencinë Reuters.

Nikulin, 30 vjeç, ka qenë në paraburgim në Çeki qysh në tetor të vitit 2016.

Shpërndaje në rrjete sociale

Lajmet më të lexuara

Të ngjashme

Foto lajm