Google ADS

Çavuşoğlu: Ndaloni sulmet në Idlib, të shmangen viktimat

17:40 | 11 Shtator 2018
Arbresh.info

Ministri i jashtëm turk Mevlüt Çavuşoğlu u ka bërë thirrje aleatëve ndërkombëtarë që të punojnë së bashku në Idlib për një zgjidhje diplomatike për të shmangur viktimat civile.

“Ajo çfarë ne propozojmë është shumë e qartë. Ndaloni sulmet në Idlib. Nëse brenga është prania e grupeve terroriste, të punojmë së bashku për t’i eliminuar”, tha Çavuşoğlu gjatë një konference në Rumani, transmeton portali arbresh.info.

Duke theksuar nevojën për parandalimin e viktimave civile, ai më tej u bëri thirrje Rusisë, Irani, SHBA-ve, Francës e Britanisë si dhe të gjithë akterëve që të punojnë së bashku dhe të gjendet një zgjidhje paqësore.

“Vrasja e njerëzve të pafajshëm, përfshirë gra e fëmijë, nuk është mënyra për të vendosur sovranitet territorial në Siri”, tha Çavuşoğlu

“U bëj thirrje të gjithëve që të ngrisin zërin dhe të ngritën kundër agresionit të regjimit në Siri dhe të gjejnë një zgjidhje paqësore”, shtoi më tej.

Çavuşoğlu u takua në Rumani me homologët e tij rumun dhe polak./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm