Google ADS

Çavuşoğlu: Besojmë se problemet me Greqinë mund të zgjidhen nëpërmjet dialogut konstruktiv

23:13 | 15 Prill 2021
Trina Galanxhi

Turqia beson se mosmarrëveshjet me Greqinë mund të zgjidhen përmes dialogut konstruktiv, tha ministri i Jashtëm turk, Mevlüt Çavuşoğlu, raporton Anadolu Agency (AA).

Në një konferencë të përbashkët shtypi me homologun e tij grek Nikos Dendias, Çavuşoğlu tha se faktet e kryera dhe retorika provokuese duhet të shmangen në marrëdhëniet midis dy vendeve.

“Është në dobi tonë që pakicat në dy vendet të jetojnë në paqe. Kjo do të ketë reflektime pozitive”, theksoi shefi i diplomacisë turke.

Duke iu referuar pakicës turke në Trakinë Perëndimore, Çavuşoğlu theksoi: “Nëse ata thonë se janë turq, ata janë turq. Ju duhet ta pranoni këtë”.

Ai vuri në dukje se Ankaraja është e aftë të mbrojë të drejtat e Turqisë dhe turqve qipriotë në Mesdheun Lindor.

Nga ana tjetër, Dendias tha se vendi i tij dhe Turqia mund të krijojnë një agjendë pozitive në fushën e ekonomisë.

Shpërndaje në rrjete sociale

Lajmet më të lexuara

Të ngjashme

Foto lajm