Komisioni Evropian i kërkoi sot vendeve anëtare të BE-së që të strehojnë nga Afganistani njerëzit “që janë më në rrezik”.
“Gazetarët, aktivistët e të drejtave të njeriut në Afganistan janë ata që janë më të rrezikuarit, gratë në veçanti,” – tha në një deklaratë Komisionerja për Çështje të Brendshme Ylva Johansson.
Komisionerja Johansson tha se BE duhet të shtojë angazhimin duke rritur kuotat e pritjes së atyre që po shpërngulen nga Afganistani dhe që kanë nevojë për mbrojtje.
Talibanët shpërndanë dhunshëm të mërkurën një protestë që u mbajt në lindje të Afganistanit. Kjo ishte nisma e parë kundër talebanëve nga qytetarët afganë, teksa një person u raportua se humbi jetën.
Ndërkohë presidenti Ashraf Ghani dhe familja e tij u raportuan se janë zhvendosur në Emiratet e Bashkuara Arabe. Zhvendosja e tij atje erdhi pasi në fundjavë ai u largua nga Kabuli.
Në Kabul mijëra njerëz janë përpjekur të largohen nga vendi përmes aeroportit.
Ndërkohë talebanët kanë zhvilluar takime me ish-zyrtarë nga qeveria e rrëzuar e mbështetur nga Perëndimi. Në to ka marrë pjesë edhe ish-Presidenti Hamid Karzai si dhe udhëheqësi kryesor politik, bashkëthemeluesi, Mullah Abdul Ghani Baradar që u kthye pas ekzilit nga Katari.
Haradinaj viziton familjen e Afrim Bunjakut: Ra heroikisht n...
Një vit nga sulmi terrorist në Banjskë, Hovenier: Autorët të...
Pamje nga vizita e Kurtit në shtëpinë e heroit Afrim Bunjaku
Haxhiu: Vepra e Afrim Bunjakut do të mbetet e skalitur në hi...
Serbët provokojnë, ndezin qirinj në vendin ku u vranë terror...
Del edhe një vullnetar për portën e Barcelonës, ish-gardiani...