Britania shprehu shqetësimin për stërvitjet ushtarake të Kinës të hënën rreth Tajvanit, të cilat mund të “rrisin tensionet dhe rrezikon përshkallëzim të rrezikshëm” në ngushticën e Tajvanit.
“Mbretëria e Bashkuar ripohon interesin tonë të qartë për paqen dhe stabilitetin në ngushticën e Tajvanit, e cila është e një rëndësie kritike për prosperitetin global,” tha një zëdhënës i Zyrës së Jashtme në një deklaratë të hënën mbi stërvitjet e përbashkëta të Kinës Sword-2024B.
Deklarata shkruan se Mbretëria e Bashkuar e konsideron çështjen e Tajvanit një çështje që mund të zgjidhet nga njerëzit në të dy anët e ngushticës së Tajvanit përmes dialogut konstruktiv “pa kërcënim ose përdorim të forcës ose detyrimit”.
Tajvani më herët të hënën “dënoi fuqishëm” stërvitjet ushtarake nga Kina rreth ishullit të vetëqeverisur, duke i quajtur ato “irracionale” dhe “provokative”.
Sipas ushtrisë kineze, stërvitjet rreth zonave në veri, jug dhe lindje të ishullit u përqendruan në përmirësimin e gatishmërisë luftarake detare-ajrore, bllokimin e porteve kryesore, shënjestrimin e objektivave tokësore dhe detare dhe marrjen e kontrollit të plotë të fushëbetejës./euronews.al
Vritet një grua dhe plagosen 16 persona nga një sulm raketor...
Negociatat me BE-në, Bislimi: Kosova i gëzohet kësaj arritje...
Kurti: I gëzohemi fort arritjes së Shqipërisë për hapjen e n...
Istogu përballet me skuadër çeke në raundin e tretë të Kupës...
Frederik Veseli transferohet tek kampioni i Shqipërisë
Apeli vërteton dënimin me burgim ndaj dy të miturve për vras...