Google ADS

Brexit ka afruar danezët me BE-në

13:22 | 5 Janar 2019
Arbresh.info

Sipas një hulumtimi përqindja e danezëve që dëshirojnë largimin e Danimarkës nga Bashkimi Evropian (BE) ka shënuar ulje, transmeton Anadolu Agency (AA).

Të dhënat tregojnë se 62 për qind e danezëve kundërshtojnë mbajtjen e një referendumi popullor në lidhje me çështjen nëse Danimarka duhet të largohet apo të mbetet në BE, ndërsa vetëm 26 për qind e tyre e mbështesin një referendum të tillë.

Në rast të organizimit të një referendumi për largimin apo qëndrimin e Danimarkës në BE, 66 për qind e danezëve që morën pjesë në hulumtim u deklaruan se do të votonin për të qëndruar në BE ndërsa 22 për qind u përcaktuan për largim nga BE-ja.

Kujtojmë se në një hulumtim të zhvilluar para referendumit të mbajtur në vitin 2016 për largimin e Britanisë së Madhe nga BE-ja (Brexit), thuhet se 33 për qind e danezëve mbështesnin idenë për një referendum popullor për largimin e Danimarkës nga Unioni.

Shpërndaje në rrjete sociale

Lajmet më të lexuara

Të ngjashme

Foto lajm