Borrell mesazh Rusisë: I kemi ngrirë 300 miliardë fonde ruse, po shqyrtojmë mundësitë ligjore për t’i sekuestruar

11:21 | 1 Dhjetor 2022
Pleurat Salihu
Pas nisjes së aksionit ushtarak në Ukrainë me urdhër të presidentit Vladimir Putin, Rusia po përballet me sanksione të shumta, sidomos zyrtarët, funksionarët dhe të pasurit rusë, nga Bashkimi Evropian.

“Ne do të shqyrtojmë të gjitha mundësitë ligjore për t’u siguruar që Rusia të paguajë për shkatërrimin që ka bërë. Këto rezerva tani janë të ngrira, por nga bllokimi në sekuestrim ka një ndryshim, ne po punojmë për këtë”- ka theksuar Borrell.

Josep Borrell, përfaqësuesi i lartë i BE-së, ka treguar se BE ka në kontroll mbi 300 miliardë burime financiare nga banka qendrore ruse dhe kjo shumë parash mund të përdoret për rindërtimin e Ukrainës.

Në një deklaratë në samitin e OSBE-së në Lodz të Polonisë, ai tha se do të shqyrtojnë të gjitha mundësitë ligjore që Rusia të paguajë për shkatërrimin që ka bërë.

Shpërndaje në rrjete sociale

Lajmet më të lexuara

Të ngjashme

Foto lajm