Kryediplomati i Bashkimit Evropian, Josep Borrell, tha të enjten se tërheqja kaotike e Perëndimit nga Afganistani ka gjasë të jetë katalizator për përpjekjet e BE-së për ta zhvilluar forcën e vet mbrojtëse, duke shtuar se një forcë e reagimit të shpejtë duhet të jetë pjesë e saj.
Brenda Bashkimit Evropian janë duke u shtuar thirrjet që blloku të jetë në gjendje të ndërhyjë ushtarakisht në kriza pa u varur në trupat amerikane, shkruan Reuters.
Pritet që ministrat e Jashtëm dhe të Mbrojtjes të vendeve të Bashkimit Evropian të enjten dhe të premten të diskutojnë për hapat drejt këtij qëllimi në një takim joformal të ministrave të mbrojtjes në Slloveni.
“Nganjëherë, ka ngjarje që e katalizojnë historinë dhe mendoj që Afganistani është njëri nga këto raste”, tha kryediplomati evropian para takimit në Slloveni.
Borrelli ka bërë thirrje për një “forcë evropiane të hyrjes së parë”, të përbërë prej 5.000 trupash për t’i zëvendësuar grupet e betejave, të cilat BE-ja i kishte krijuar në vitin 2007, por të cilat nuk janë përdorur kurrë.
“Duhet të kërkojmë diçka më operacionale. Nevoja për mbrojtje më të fuqishme evropiane është më e dukshme se kurrë më parë”, tha ai para gazetarëve, duke shtuar se shpreson që të ketë një plan për këtë çështje në tetor ose nëntor.
“U qëllua me 6 plumba prapa shpinës”, detaje për incidentin ...
Vdes personi që u plagos sot në Mitrovicë
Prokuroria : Dejona Mihali po intervistohet në cilësinë e dë...
Avokatja e Shalës: Edhe pas dy muajsh aktgjykimi mbetet konf...
Ramadani në mesin e lojtarëve që ka vrapuar më së shumti në ...
Rusia paralajmëron “pasoja katastrofike” nëse Perëndimi dhe ...