Boris Johnson ishte pranë vdekjes, ua dedikon jetën mjekëve

23:49 | 11 Prill 2020
Trina Galanxhi

Boris Johnson ishte pranë vdekjes dhe luftoi me korornavirusin falë një terapie të mirë intensive.

Kështu shkruan Daily Mail, duke cituar miqtë e Kryeministrit Britanik.

Ky I fundit u ka thënë atyre se jetën ua dedikon mjekëve dhe infermierëve në spitalin “St Thomas”, për të cilët mësohet të jetë shprehur: “Nuk do mundem t’i falënderoj sa duhet”.

Në një moment gjendja e Kryeministrit Johnson u rëndua aq shumë, sa kabineti hyri në lutje për të. Ndërkohë që në spital, ajo që i ofroi mbështetje ishte e fejuara e tij, e cila i dërgoi një letër bashkë me ekon e fëmijës që pritet të vijë në jetë. Mediat britanike shkruajnë se në fakt, lufta e kryeministrit me sëmundjen kishte nisur tre ditë para se ai të shtrohej në spital. Tashmë gjendja e tij është e mirë./ts/

Shpërndaje në rrjete sociale

Lajmet më të lexuara

Të ngjashme

Foto lajm