Kryetari i bashkisë së kryeqytetit të Kolumbisë, Bogota ka vendosur orë policore në tërë qytetin si përgjigje ndaj protestave të reja anti-qeveritare.

Policia ka hedhur gaz lotsjellës në qytet për të shpërndarë turmat dhe ka raportime për plaçkitje sporadike, transmeton portali arbresh.info.

Ndërkohë, Presidenti Iván Duque tha se ai do të nisë një “bisedë kombëtare” javën e ardhshme në përpjekje për të lehtësuar tensionet.

Më shumë se 250,000 njerëz morën pjesë në marshime në të gjithë vendin të enjten për të shprehur zemërimin ndaj qeverisë.

Kolumbianët kanë dalë në rrugë për ndryshimet e mundshme në pagën minimale, pensionet dhe reformat tatimore dhe privatizimin e kompanive shtetërore. Qeveria këmbëngul se nuk ka pensione të planifikuar ose reforma të punës dhe se çdo ndryshim do të ndodhte në konsultim me grupet e punës.

Protestuesit gjithashtu janë të zemëruar për korrupsionin e pretenduar dhe atë që disa e shohin si dështimin e qeverisë për të nderuar një marrëveshje paqeje 2016 me rebelët e krahut të majtë Farc, në mes të një rritje të dhunës.

Në një zhvillim tjetër, tre oficerë policie u vranë në një shpërthim bombe në një stacion policie në qytetin e Santander de Quilichao në provincën Kauca jug-perëndimore, thanë zyrtarët. Nuk është e qartë nëse incidenti është i lidhur me protestat. Zona është e njohur për trafikun e drogës dhe dhunën e bandave./arbresh.info/