Presidenti amerikan, Joe biden, ka paralajmëruar popullin amerikan se konfikti i Rusisë me Ukrainën ‘nuk do të kalojë pa dhimbje” as në SHBA, veçanërisht kur bëhet fjalë për çmimet e energjisë, megjithëse ai tha se administrata e tij po merr hapa aktivë për të parandaluar çdo përçarje.

“Për të qenë i qartë, nëse Rusia vendos të pushtojë Ukrainën, kjo do të ketë pasoja edhe tek ne. Por, populli amerikan e kupton se mbrojtja e demokracisë dhe lirisë nuk është kurrë pa kosto”, tha Biden, transmeton portal arbresh.info

“Unë nuk do të pretendoj se kjo do të jetë pa dhimbje. Mund të ketë ndikim në çmimet tona të energjisë, kështu që ne po marrim hapa aktivë për të lehtësuar presionin në tregjet tona të energjisë dhe për të kompensuar rritjen e çmimeve,” shtoi ai.

Biden vazhdoi të shpjegoi pse mendonte se situata justifikon përfshirjen e SHBA-së, duke thënë se “kjo ka të bëjë mnë shumë se vetëm me Rusinë dhe Ukrainën”.

“Ka të bëjë me qëndrimin për atë që besojmë, për të ardhmen që duam për botën tonë, për lirinë, për lirinë, të drejtën e vendeve të panumërta për të zgjedhur fatin e tyre. Dhe të drejtën e njerëzve për të përcaktuar të ardhmen e tyre, ose parimi që një vend nuk mund të ndryshojë kufijtë e fqinjit të tij me forcë”, tha Biden.

Presidenti amerikan, Joe Biden, edhe njëherë u ka bërë thirrje të gjithë amerikanëve që të largohen nga Ukraina./abcnews/arbresh.info/