Presidenti i zgjedhur Joe Biden ka thënë se shtrirja e bashkëpunimit nga Shtëpia e Bardhë mbi tranzicionin ka qenë e sinqertë.

“Nuk ka qenë mashtruese deri tani dhe nuk pres të jetë”, tha ai në një intervistë për NBC News, transmeton portali arbresh.info

Ai foli gjersa zbuloi zgjedhjet e tij për top zyrtarët kur të marrë pushtetin nga Donald Trump në janar.

Trump më në fund është pajtuar të lejojë procesin formal të tranzicionit të fillojë nga e hëna, gati tri javë pas zgjedhjeve presidenciale.

Megjithatë ai ende nuk pranon të pranojë humbjen, duke përsëritur pretendimet e pabazuara se votimi i 3 nëntorit ishte “i manipuluar”.

Duke folur për Nightly News të NBC, ai konfirmoi se nuk kishte folur ende me presidentin por shtoi se nuk priste që fillimi i mandatit të tij të ndikohej nga vonesa në fillimin e tranzicionit.

“Është një fillim i ngadaltë por po fillon dhe kanë mbetur edhe dy muaj, kështu që unë ndihem mirë për aftësinë që të jem në gjendje të ngrihem me shpejtësi”, tha ai.

Ka pasur, tha ai, plane që ai të takonte task forcën Covid-19 në Shtëpinë e Bardhë rreth shpërndarjes dhe aksesit të vaksinave.

Si dhe marrjen e Përmbledhjeve Ditore Presidenciale – një përditësim mbi kërcënimet dhe zhvillimet ndërkombëtare – Z. Biden tani mund të ketë qasje tek zyrtarët kryesorë të qeverisë dhe miliona dollarë në fonde ndërsa përgatitet të marrë detyrën në 20 janar.

Ish nënkryetari i Barack Obama tha se koha e tij në detyrë nuk do të ishte një “mandat i tretë i Obamës” sepse “ne përballemi me një botë krejtësisht të ndryshme nga sa u përballëm në administratën Obama-Biden”./arbresh.info/