Biden: E drejta e abortit është themelore

19:37 | 3 Maj 2022
L G

Presidenti i Shteteve të Bashkuara, Joe Biden, tha se e drejta e gruas për të kryer abort “është e drejtë themelore”.

Biden i bëri komentet pas rrjedhjes në publik të një dokumenti të Gjykatës Supreme të SHBA-së, sipas të cilit, shumica konservatore e gjyqtarëve po përgatitet ta përmbysë vendimin e vitit 1973 “Roe v. Wade”, që ka legalizuar abortin në nivel kombëtar.

Biden tha se administrata e tij është e gatshme t’i mbrojë të drejtat e abortit.

“Do të jemi gati kur të lëshohet ndonjë vendim”, tha ai.

“Unë besoj se e drejta e një gruaje për të zgjedhur është themelore”, tha Biden.

Vendimi final i Gjykatës Supreme mund të merret në fund të qershorit ose fillimit të korrikut, raportojnë mediat amerikane.

Shpërndaje në rrjete sociale

Lajmet më të lexuara

Të ngjashme

Foto lajm